Ramri survey dan tur sawiho

Nimin (15.7.2025) khan Hnahthial Bawrhsap K Vanlalruati kaihhruaiin Border Roads Organisation (BRO), Assam Rifles (AR) leh Superintendent of Police (SP) aiawh thukhawmte chuan thuneitu sang zawkte rawtna angin Hnahthial District leh Myanmar ramri survey neih dan tur relin an thukhawm.

Hnahthial Bawrhsap chuan Hnahthial District leh Myanmar ramriah hungna (fencing) neih ni dawn ta se, a ramri sei zawng leh a ram awm dan hriat chian a tul avangin survey neih a tul a, chumi chu felfai taka kalpui a nih theih nan thutkhawmna hi koh a nih thu a sawi.

Hnahthialah chuan luh chhuahna (entry-exit) point pakhat, Thingsaiah a awm thu tarlan niin physical fencing neih a tul ngei em tih enfiah nan leh khaw mipuite ngaihdan hriat nan he survey hi neih a nih tur thu a sawi a ni.

Myanmar nen a inrina hi Preliminary Survey, Thingsai khuaah neih phawt tura ruahmanna siam niin survey-ah hian DC office, SP Office, BRO leh Assam Rifles aiawh pakhat theuh an tel ang.  Preliminary survey neih a nih hnu hian BRO lamin survey pangngai neih chhunzawmin Burma leh Hnahthial inrina khuaahte survey hi kalpui vek tura ruahmanna siam a ni.

Mizoramah leh Myanmar inrinaah hian luh chhuahna (entry-exit point) hmun sawm leh pali (14) awmin Hnahthial District-ah chuan pakhat (1), Thingsaiah a awm a ni.