In saklai atangin tlahlum

Siaha tlangval Jeremy Lalrorela (24) s/o F.Satlai, Maubawk Siaha chu in sa a a inhlawhnaah che sualin nunna a chan.

Tuithiang Veng, Aizawla inluaha khawsa, Lalrorela hi vawiin tlai dar 4:30 vel khan a inhlawhna in chung ber atangin chesualin a tla a, hliamna tak a tawrh hnuah Civil Hospital, Aizawl panpui a nih laiin a hliam tuar loin a thi.

Lalrorela hi inhlawhfa turin Aizawlah a awm a, a rem rem hna thawkin a thianpa nen in an in luah dun. Tuithiang Veng, Vengthlang lam in saknaah a in hlawh a, an hnathawhna hi chhawng rukna chung ber a ni.

A tlakna hi inthlang lam a sang lai tak a nih bawk avangin a vanduai ta a ni. A ruang hi Civil Hospital atanga phurhchhuah nghal tur niin a vuina tur Siaha lam panpui a ni ang.

Thlalak : Concrete building sak mek zawk hi a tlakna