Vaivakawn Siamtha Pawlin ngenna siam

Vaivakawn Siamtha Pawl ngenna leh hriattirna ti chhuakin, Vaivakawn leh a chheh vel ruihhlo ngai awm thinte hnena ei leh in pe tur chuan anmahni hriattir hmasa thin turin an ngen.

Vaivakawn Siamtha Pawl an veng huam chhung Sairang Road leh thlanmual chhehvelah ruihhlo ti thahnem tak an awm thin avangin theihtawpin hma an la tih tarlangin, 'Thlabi-a duty turin security kan ruai mek. Heng ruihhlo ngaite hi kohhran leh pawl hrang hrangin ei leh in tur an pe thin a, hei hian ruihhlo ngaite a ti huangtauin, a veng neitute tan harsatna hrang hrang rukruk, in rawk leh thil bo a tam phah,' an ti.

Thawh hona tha tak an neih ngai nia tarlangin Vaivakawn Siamtha Pawl chuan, 'Ruihhlo chu ram leh hnam hmelma a nih avangin lungrual taka an do hoa ngai,' tiin Vaivakawn leh a chheh vela awm thin ruihhlo ngaite hnena ei leh in pe turte chu heng Phone No. 9436141231/8014227988/9862365405 ah hian hriattir zel turin an ngen.

Thlalak : June 8, 2024 khan Vaivakawn khawtlang ruihhlo do beihpui thlakna hun an hawng