LADC-ah thutawp la siam lo
admin 16-Jul-2025 02:22 PMGauhati High Court (GHC), Aizawl Bench chuan vawiin (16.7.2025) hian Lai Autonomous District Council (LADC) chungchang a ngaihtuah leh a, thutlukna la siam loin, July 23, 2025-a ngaihtuah leh turin a dah.
LADC-a Chief Executive Mermber lo ni tawh, tuna ZPM, MDC nilai V Zirsanga chu kumin February 27 khan CEM atan lakluh niin, a kaihhruai LADC a ZPM Sorkar chuan budget session pawh kumin April 17 atanga 22 chhung khan neiin, budget pawh passed a ni. Budget erawh dan kalh a passed nia sawiin Governor-in a pawm lo.
Hemi hnu hian BJP leh MNF ten an din United Democratic Alliance chuan LADC ah sorkarna an siamthei tih Governor hnena an thlen hnuah an hruaitu M.Kawnpui Bialtu MDC N.Zangura (BJP) chu May 8, 2025 khan CEM atan lakluh a ni.
ZPM Sorkara CEM V.Zirsanga chuan CEM atanga paih a nihdanah dan palzutna a awm ni a hriain, dikna humhim a nihtheih nan hma la turin Gauhati High Court-ah hian a thlen a ni. Court chuan V Zirsanga thu thlen hi tum thum a ngaihtuah tawh a, July 23 ah a ngaihtuah leh ang.
Tun dinhmunah court thukal lai a awm vangin LADC-ah hian sorkar a kal mumal thei loa, CEM atana lakluh N.Zangura pawh hna thawk thei loin dah mek a ni.
