Gambling vangin Mizo an man

Assam media-te tarlan danin, Assam-a Sonapur Police Station Staff-te chu Guwahati khaw daia awm Club Nirvana atangin gambling avangin Mizo pali an man.

Mizo an mante hi Aizawl mi vek nia tarlan a ni a, Lalchhanhima Sailo (35), Lalfakawma Ralte (28), Lalrinngheta (35) leh Joseph Lalparmawia (28) te an ni. An awmna hmun an dapnaah pawisa thahnem tak, zu, casino khelhna hmanrua hmu chhuakin an man tel a, an mobile phone theuh pawh man sak an ni.

An pali hian police-te chuan thuzawhfiah atan an la kawl a, uluk takin an chhuizui mek.