Rawlthar luiah a tlahlum

Vawiin (30.9.2025) tlai dar 2:45 vel khan Remruatkima (14) s/o R Lalduhzuala, S Sabual, Mamit District chu luiah a tlahlum.

Bengvarna thulaknain a tarlan danin, Remruatkima hi an sikul bang a thiante nen Tut Luiah an kal a, a lu a su tur chu a dinna lung atanga tlain a chesual a, a thlang liah a tla a ni.

A thiante hian chhan tumin theihtawp chhuah mah se, naupang mai an nih vangin an chhan thei lo. 

A khaw thenawm Darlung khaw mi, luikal ten an hmuhin chhan tumin an bei nghal. An zinga tuilut thiam awm chhun chu a tlaknaah hian lut nghalin, vawi thum a luhnaah a rap fuh niin a in hria.

Tuiah lut lehin Remruatkima hi a la chhuak a, a thianten mau nen lo puiin khawmualah a la chhuak thei. Chhan tumin theihtawp chhuah mah se, an chhan thei tawh lo.

Remruatkima hian a nu leh pa leh a unaute pahnih a kalsan a, naktukah vui a ni ang.