Scientist tha zingah Mizo

Dr Samuel Lalthazuala Rokhum s/o TL Khama, Kolasib New Diakkawn, tuna National Institute of Technology (NIT), Silchar-a Associate Professor hna thawk mek chu Stanford University leh khawvel research publication journal rintlak Elsevier-ten khawvela scientist tha an thlan chhuah 'Top 2% Scientists List, 2025' zingah a tel.

Dr Samuel Lalthazuala 'Top 2% Scientists List 2024-ah pawh a lo lang tawh. Research publication 160 chuang nei tawhin, H-index 43 a nei mek a, science & technology lam hawi lekhabu pali a ziak tawh. Science journal thaa ngaih International Journal of Energy Research leh Journal of Nanotechnology-ahte academic editor a ni mek a ni.