Lehkhabu thahnem tak vailiam

Vawiin (30.9.2025) chawhma khan Rural Development & Administration Department Minister Prof. Lalnilawma chuan, thingtlang khaw hrang hranga library sakna tur atana hmalakna ‘Establishment of New Library in Mizoram Project’ hnuaiah library-a dah tur lehkhabute a vailiam. Lehkhabu vailiamna hun hi DRDO, Aizawl Office kawtah buatsaih a ni.

RD Minister chuan thu sawiin, 'He project hi Special Assistance to States for Capital Investment (SASCI) Part-VII hnuaia thingtlang khuate tihhmasawnna tura hmalakna pawimawh tak pakhat a ni. Mizoram Chief Minister hmalakna zarah Ministry of Finance, Govt. of India atanga hmuh niin Mizoram khaw hrang hrang, hmun 273-a library sak tura ruahman a ni a, a buaipuitu, odal department ni tura Rural Development & Administration Department min ruat. Thalai leh naupang zawkten finna leh thiamna an chharchhuah theihna tura hmalakna a nih thu sawiin tunlai khawvel mila inherrem chhoh zel a pawimawh,' a ti.

Establishment of New Library in Mizoram Project hnuaiah hian library building 229 sak thar niin, building awm sa 44-te thawmthat an ni tawh. Bungraw chi hrang hrang heng - Bookshelves, Reading Tables, Chairs, Computer Set with UPS, Librarian Desk, 3-in-1 Printer, LED TV with two way Communication, Internet Connection, 3KVA Power back-up with battery stand, low height rack for children te hi dah tura ruahman a ni. Lehkhabute hi National Book Trush (NBT) leh open market atangtea lei tur niin, a vaiin 2,81,190 lei tura ruahman a ni a, library pakhat zelin NBT atanga lei lehkhabu 1,030 leh open market atanga lei 358 theuh an dawng dawn.

A thawhkhatna atan, vawiina vailiam tak lehkhabute hi Mizoram khaw hrang hrang 69-ahte  semdarh phawt an ni dawn a ni.