Miss Northeast Diva 2025 Mizo nula

Miss Northeast Diva 2025 thlanna nizana Guwahati-a neih zawh taka winner chu Mizo nula a ni a, Mizo nulain he dinhmun tum khatna an hauhna a ni.

Haulawng khaw nula R. Lalduhsaki ( ig: rimenhawihi_ ) chu Miss Northeast Diva 2025 ah hian telvein, mi 100 chuangin audition an beih aṭangin mi 40 thlanchhuah an ni.

Top 20, top 10 leh top 5-ah te tlang chho zelin, a tawpah R. Lalduhsaki hi state dang nulaten tluk zo loin, miss dinhmun a luah. Miss Congeniality Title a la dawng tel cheu.

Hmanni lawkah Vanlalnuntluangi, Thuampui chu Miss Grand India 1st Runners Up a lo ni tawh. Kan Mizo nulate hi an nalh tulh tulh bakah an thluak a tha tulh tulh tih a chiang viau e.