Muanpuia Punte-in media mite a kawm
admin 03-Aug-2024 05:27 PMMizo Village Volunteer Rising Day lawmna hmanpuia Manipur-a kal Adviser to Chief Minister (Political) Lalmuanpuia Punte chuan vawiin (3.8.2024) hian Lamka (Chuarchandpur) ah media mite a kawm.
Lalmuanpuia Punte chuan Manipur Chief Minister-in an state-a remna a awm theihna atana hma la turin Mizoram Chief Minister a sawm tih a darh thu a sawi a, 'Ka lo hre lawk loa, kan CM hi Delhi-ah a zin a, ka zuk zawt a ni. Amit Shah hnenah a kal a, engtin nge dawn tiin a rawn a, tha a lo tihpui a ni,' a ti.
Adviser to CM-in kan CM-in inbiaknaah civil society hruaitute telve ngei se a duh tih sawiin, 'ITLF-te lam chhuak anga thudarh a dik lo. Organisation lam bik a nei lo,' tiin CM nen an inbiaknaah Lamka-a a awm lai tih a hrilhin hnuah vawiina haw tum nimahila sawifiah tura a duh avanga cham a nih thu a sawi.
Lalmuanpuia Punte chuan Mizorama hunah Chief Minister a hmuh leh tur thu sawiin, 'Hemi chungchang hi ka sawipui leh ang. Manipur hun remchang hmasa bera a tlawh hunah a ruala kal ve turin min duh,' a ti.
Mizoram Sorkar thuchhuah tarlan dan chuan, Chief Minister hian Union Home Minister nen an inkawmnaah Manipur harsatna tawh thuah Home Ministry leh Manipur tlangmi mipuite aiawh ITLF hruaitute chuan inbiakna nei thei se thaa a hriat thu a sawi a, Manipur Chief Minister Biren Singh-an Imphal-a zin tura a sawm thu pawh Amit Shah hi hrilhin, tihhlawhtlinsak a duh thu pawh a sawi a ni.
