Inkahnaah Chanmari West mi a thi

CDF, Hualngoram leh CNDF-te Tiau (Khawmawi), Myanmar-a an inkahnaah Mizoram miin nunna a chan. Amah hi C Lalhmuakmawia (37) s/o Khawmawii, Chanmari West, Aizawl a ni.

Chanmari West atanga Bengvarna thudawn danin, C Lalhmuakmawiate hi hun rei tak Chanmari West-ah an awm tawh a, a pa chu Chanmari West-a an awm hnuah thiin, a nu hoin an awm. Amah hi thing mistiri niin, Chanmari West-ah hian workshop a nei thin. 

Nikum khan a puteate in sa turin Khawmawiah an ko chho a, a cham zui a ni. Nimin (5.7.2025) a inkahnaah khan tlai lamah kah fuh niin, a thi. CDF a zawmve nia an hriat thu Chanmari West atanga thudawnna chuan a sawi.

Zokhawthar YMA-ten buaipuiin, tukin khan a ruangin Chanmari West a thleng a, vawiin tlai dar 3 ah vui a ni ang.