Kawngpui 4 lane laih mek sawiho

Vawiin (5.7.2025) chhun khan Mizorama 4 –lane kawngpui laih hna chak zawka a kal theihna tur ngaihtuain EF&CC Secretary H Lalengmawia hoin Kolasib Circuit House-ah Kolasib DC, NHIDCL leh EF&CC Department hotute an thukhawm.

H Lalengnawia chuan 4 lane kawngpui laih hna chak zawka a kal theih nan department hrang hrang; a bik takin EF&CC, P&E leh District Administration te chuan thawhhona leh inhriatthiamna tha zawk an neih a pawimawh thu sawiin, an hmalakna a muan chhante hrechianga chak zawka kawng laih hna a kal theih nan thing kih ngai te, electric hrui leh ban sawn chungchangahte pawh NHIDCL ,P&E leh Forest Department –te chu a tul anga hma la zui turin hriattir.

Hemi kawnga harsatna a awm a nih chuan a rang thei ang bera District Administrator hriattir turin EF&CC Secretary kalkhawmte a hrilh.

Mizorama 4 lane kawngpui sial hna hi tunhnai khan package 3 huam chhung Vairengte leh a chhehvel atangin hna tan a ni. Amaherawhchu he kawngpuiin a paltlang tura thing leh maute senghawina kawngah harstana thenkhat a awm avangin, hnathawktute hmalakna a ti muang nia hriat  a ni.