MSU-in kawng zawh huaihawt dawn

Vawiin (5.7.2025) chawhnu dar 1:00 khan Mizo Students’ Union (MSU) General Headquarters chuan emergency executive committee meeting an nei a, unqualified part time assistant professor-te sawrkarin hun a pek belh leh duh lohna kawngzawh huaihawt an rel.

MSU  chuan sawrkar hnena unqualified part time assistant professor 29 te ban tura an ngenna chuan awmzia a neih takloh avangin, July 7, 2025 (Thawhṭanni) hian Aizawl khawpui - Vanapa Hall aṭangin Higher & Technical Education Directorate Pisa thleng 'Quality Education Humhalhna Kawngzawh' huaihawt an tum a ni. 

MSU chuan hemi ni hian Aizawla awm college zirlai zawng zawngte kawngzawh turin a sawm a, tumah zirna ina class la tura kallo turin an ngen a ni.

MSU chuan Mizoram Sawrkar chu unqualified ziritirtute ban a, an aiawh tur zirtirtu pawh zirna tibuai loa la nghal turin an ngen.

Tin, kawng zawh an thilphutte hi tihhlawhtlin a nih loh chuan a tawp thlengin hmalak zui an tum.