Heroin vangin chhuak turin ti

Lunglei Rahsiveng Local Council leh NGO-te chuan Lunglei Police-ten heroin vanga an man, an venga awm Ngurthanmawii (48) leh Zoremtluangi (44) te chu lehkhathawnin, an veng chhuahsan turin an ti.

Tarlan tawh angin, Lunglei Police-te chuan ni 29.6.2025 khan Theiriatah sahbawn bawma dah heroin hawng 10 an man a, a kaihhnawihah Ngurthanmawii (48), Lunglei Rahsi Veng; Lalthanpuii (36), Lunglei College Veng leh Zoremtluangi (44), Lunglei Rahsi Veng nia inchhalte an man.

Lunglei Rahsivengin lehkha an thawn (a ngai ngaiin)

'Thu neitute'n i No.4 engemaw zah an mansak che tih kan lo hria a, hei hi Rahsiveng khawtlang hruaitute chuan kan ngaithutak hle mai a. Rahsiveng khawtlang duh loh zawng i lo zuar mai bakah Rahsiveng khawtlang Mizoram pum huapin i tihmingchhe hle mai a, Rahsiveng khawtlang kan zak ngawih ngawih a. He i thil tihsual hi a lian thamin Rahsiveng khawtlanga khawsa tlakah kan ngai lo che a.

Dt.1 July 2025 Zing dar 7:00am a Joint Committee Rahsiveng Meeting chuan a rang thei ang bera Rahsiveng chhunga In luah lo tur leh chhuahsan tur chein i chungthu hi rel leh ngaihtuah a ni a, he lekha i hmuh atanga karkhat chhung ngeiin Rahsiveng hi lo chhuahsan turin kan han hriattir a che.'