Lammual hman man bituk

Aizawl DC Office chuan Lammual hman dan turah ruahmanna siamin, a hman man a bituk nghal. Lammual hi sports na atan, event buatsaihna atan, festival buatsaihna atan, tournament siamna atan, health camp buatsaihna leh thildang atan hman theih a ni.

Lammual hmang duhte chuan Aizawl DC Office-ah an hman duh hun atanga chhiara ni 10 hmain dilna an thehlut tur a ni a, hman phalsak an nih chuan a hman man leh security deposit pek tur a ni.

Lammual hi sorkar leh Mizoram Football Association-in an hman dawn chuan a man a ngai lo. Local Council, YMA leh MHIP tan a hman man chu tlai dar 5 thleng darkar khatah Rs. 500, darkar hnulam thleng chuan darkar khatah Rs. 1,000 niin, security deposit Rs. 10,000. 

Sumdawnna thil ni loa a chunga tarlan tel loin an hmanin tlai dar 5 hma darkar khatah Rs. 1,000, tlai dar 5 hnuah darkar khatah Rs. 2,000, security deposit Rs. 10,000. Sumdawnna thila hman a nih chuan tlai dar 5 hma chu darkar khatah Rs. 2,000, tlai dar 5 hnu lamah darkar khatah Rs. 4,000 niin, security deposit-ah Rs.  50,000 dah tur a ni.