Raltlante tan blanket sem

Vawiin (4.7.2025) chawhnu khan Khawzawl DC Auditorium-ah Khawzawl khaw chhunga Myanmar leh Manipur raltlante tan blanket sem a ni.

Blanket sem inkhawmah Khawzawl DC K Vanlalthiana chuan raltlante chu theihtawpa tuamhlawm a, tawiawm a tul zia sawiin, mamawh leh tul dangte a awm leh a nih pawhin VC-te chu inthlahrung lova sawi leh zel turin a chah a ni. 

Inkhawm hi Khawzawl Addl. DC Lalfakzuala'n kaihruaiin, Khawzawl SP F Lalbiakzauva leh Khawzawl Joint VCP Vanlalzawnate pawhin thu an sawi.

Khawzawl District chhungah hian Myanmar atanga raltlan hi mi 304 leh Manipur raltlan atanga mi 4 an awm. He hunah hian Khawzawl khawchhung bik tan sem a ni a, an veng VC theuhte hnenah an pek chhawn tura pek a ni.