Thing tuah tur pe

MHIP Rulchawm Branch-te chuan kumin MHIP Day (July 6) vawi 51 na lo thleng tur pualin an khaw primary school leh middle school tan thing tuah tur vawiin (4.7.2025) hian an pe.

Rulchawm MHIP member-te hian kumtir aṭangin ṭanpui ngaite ṭanpuinan thing tuah tur an lo thawhkhawm tawh ṭhin a ni. Chung thing te chu vawin khan an khaw zirna in hniha chhun chaw chhumna atan an pe ta niin an secretary H Vanlalruali chuan a sawi. 

H Vanlalruali chuan "Kan khuaah hian thing tuah tawh lem lo chhungkaw tam tak an awm a, thing thawh remchang lo te pawhin pawisa an neih remchan ang ang te an rawn thawh mai a, chungte chu midang ṭanpui nan kan hmang ṭhin. Kumin hian Saihmar Tlang, Sangtea Memorial Camping Centre a ruihhlo ngaite enkawl mekte hnenah pawisa pek kan tum," a ti.

Kumin hian MHIP Day hi Pathianni a nih avangin Rulchawm Branch MHIP chuan naktuk, Inrinni hian nilengin a lawmna hun hman an tum, a tlai lamah ruai an ṭheh an dawn.