Silai thawm a reh tawh

Tiau (Khawmawi), Myanmar-a CDF, Hualngoram leh CNDF-te an inkah avanga silai thawm chu a reh tawh a, CNDF-te'n Hualngoram an awp tawh nia thudawn a ni.

Zokhawthar atanga Bengvarna thudawn danin, vawiin (5.7.2025) tlai dar 3 vel khan CNDF chuan CDF-te awp chin chu an chhuhsak tawh a, an luah tawh. CNDF-ten an tum ang ngeiin Tiau kam (Myanmar) an awp tawh a, CDF sipaite an tlanchhe vek tawh.

Hetihlai hian Rih leh Khawmawi mipuite chu Mizoramah an rawn tlanchhe deuh vek a, Zokhawthar hian lo mikhualin, thlenna nei lote chu hall-ah awm tir an ni.

Tarlan tawh angin, CDF leh CNDF inkah avang hian Zokhawthar lamah silaimu a kal nual a, in leh motor fuhte pawh a nei. Zokhawthar atangin information mike hmangin Zokhawthar lam hawia silai kap tawh lo tur leh inkah chawlhsan tura ngenna an puang hial a ni.

Zohnahthlak mipui sipaite inkah chhan hi Khawmawi (Tiaua insumdawn tawnna in chuh a ni ber) a hriat a ni.