ZMC-in hming thar a nei

Mizorama medical college awm chhun Zoram Medical College (ZMC) chuan hming thar a nei a, hemi rual hian society hnuai atangin sorkar hnuaia awm tura dah nghal a ni. 

Mizoram Sorkar chuan vawiin (29.1.2025) hian society hnuaia awm thin ZMC chu Council of Minister ni 20.12.2024-a thukhawmin an rel angin sorkar hnuaia awm turin a dah. 

ZMC hian State Referral Hospital a ken tel avangin a hming pawh Zoram Medical College & Hospital, Falkawn tia thlak a ni. 

Mizoram Institute of Medical Education & Research (MIMER) tih hming Congress Party sorkar laia pu thin hi MNF sorkar hnuah Zoram Medical College tia thlak a ni a, a tum thumna atan Zoram Medical College & Hospital, Falkawn tia a hming phuah leh a ni.