Police-in ruihhlo an hal ral

Mizoram Police chuan vawiin (26.6.2025) chhun khan International Day against Drug Abuse & Illicit Trafficking pualin ruihhlo thahnem tak an hal ral.

Mizoram Police-te hian ruihhlo hi Zoram Medical College & Hospital, Falkawna incinerator-ah an hal ral a, ruihhlo haltu DIG (CID) Dingluaia chuan ruihhlo do chu Mizoram Police hna pawimawh berte zinga mi a nih thu a sawi.

Ruihhlo an hal ralte chu heroin kg. 8.224, cheng nuai  246.72 man hua chhut, methamphetamine kg. 87.07, cheng vbc. 11.31 man hua chhut leh ganja kg. 118.538, cheng nuai 1.16 man hua chhutte a ni. A vaiin cheng vbc. 13.79 man a ni.