Iptepui atangin heroin an man

Champhai Police-te chuan tunhnaia Tlangsam road, Tuipui bula an duty naah sahbawn bawm 15-a dah heroin ni ngeia hriat grams 168 an man.

Champhai Police atanga thudawn danin, Tlangsam road-a an duty lai hian mipa pahnih chu kein an duty na lam panin an kal a, an awm dan velah an rinhleh avangin thu zawhfiah an tum a ni. Pakhat zawk chu rang takin a tlan chhe nghal a, pakhat zawk erawh an man hman.

An man tak C Lalfakzuala (35), Tuipui chu thuhretute hmuh laiin an endika Mizo Iptepui a ah lai atangin heroin ni ngeia hriat grams 168, cheng nuai 5.04 man hua chhut an man. Thubuai ziahluh nghal a ni a, a thianpa pawh hi zawn mek zel a ni.