Minister hoin hun hmang

Vawiin (26.6.2025) tlai khan Social Welfare Minister Lalrinpuii chuan ‘International Day Against Drug Abuse & Illicit Trafficking 2025’ chu Synod Revival Camping Centre, Neihbawiah khuallian niin a hmanpui.

Lalrinpuii chuan ruihhlo tur nat zia leh ruihhlo avanga mipa an kiam chak chu veiawm a tih thu sawiin, ruihhlo ngaih chu natna tihdam theih a nih avangin Hulhliap Short Stay Centre-a mithiamte enkawlna hnuaia ruihhlo ngaite awmna tur siam a ni chu lawmawm a tih thu a sawi.

Ruihhlo ngai centre-a awmte chu insiamthat nana hmang tura chahin Social Welfare Minister chuan, ruihhlo bawih atanga zalenna famkim an chan ngei theih nan duhsakna a hlan.

Lalrinpuii chuan tihdam aia invenna a that zawk thu sawiin, kalkhawmte chu ruihhlo thatlohzia tlangaupui turin leh invenna lama nasa zawka tan la turin a chah.

Lalrinpuii hian ruihhlo ngawlvei damna chang tawhte tawnhriat tarlanna video tawi a tlangzarh nghal.

Synod Revival Camping Centre-ah hian ruihhlo ngaite enkawlna tur ‘Hulhliap Short Stay Centre’ chu June 23 atang khan kalpui tan a ni

Ruihhlo ngaiten an ruih hlo tih thinte lak atanga an inthuahfaina (detoxification) leh an taksa leh hriselna tih thatna (basic health care) tur hmun niin, ni 15 chhung a thlawnin, doctor, nurse leh counsellor te enkawlna hnuaiah an awm hnuah, ni 5 chhung Gospel Camping-ah an lut nghal dawn.

Centre-a enkawl hun chhûng a zawh hunah chhûngte hnena haw leh theihna tur leh rehabilitation centre-a referral-te pawh ngaihtuahpui an ni ang.