MNREGS sum luh har chhan sawifiah

Rural Development Department chuan ni za inhlawhna (MNREGS) lak har chungchangah mipuite hnena ngenna leh hriattirna a siam.

RD Dept. chuan MGNREGS hnuaia mipuite inhlawhna chu thla 2 lai mipuiin an dawng tawh lo tih tarlangin, 'Mipui inhlawhnate hi Mizoram Sawrkar kaltlang loin direct-in mipui account-ah a lut thin. Central Sawrkar hian December 5 khan mipuite hlawh tur hi release order a issue tawh. Amaherawhchu, Central Ministry lama a pawisa ber pe chhuaktu ber Pay and Accounts Office lamte’n technical issue an neih avangin vawiin thlengin mipuite inhlawhna an account-ah a la lut thei lo,' an ti.

Mizorama thawktute chuan mipuite’n an thawh zawh atanga ni 8 chhungin an hlawh tur siamfelin tihfel ngaite  an tifel nghal zel tih tarlangin RD Dept. chuan, 'Mah se, tun tum harsatna hi chu Central Ministry lama pawisa pe chhuaktute lamah khawl lama harsatna an neih vang a ni a, in biak pawh reng a ni a, rei loteah siam zawh an in bei sei a ni. Mipuiten harsatna an tawh avangin Mizoram Sawrkar chuan pawi a ti takzet a,an harsatna sukiang turin theihtawp a chhuah mek a, mipuite lo dawh hram hram turin kan in ngen ,' tiin Krismas hmaa mipuite account-a a luh fel hman vek beisei a nih thu an tarlang.