Zonunmawii Aizawl thlenpui

A laka FIR thehluh a nih avanga police-ten an man, tunhnaia social media-a sawi hlawh tak Zonunmawii chu nizan (4.4.2024) khan Aizawl rawn thlenpui a ni. 

Bengvarna thudawn danin Zonunmawii hi man a nihna hmun Serchhip atangin nizan dar 10 dawnah Aizawl Police Station rawn thlenpui a ni a, lock up-ah dahluh a ni. 

Zonunmawii hi vawiin hian court-ah hruai a ni dawn a, police-ten thuzawhfiah atan kawl an dil dawn nge, jail-a dah nghal an rawt dawn tih kan la hre thei lo. 

Thudawnnain a tarlan danin, Zonunmawii hi niminpiah zan khan Serchhip lock up atangin a tlan chhuak a, nimin khan Serchhip Sailamah man leh niin, Aizawl rawn panpui a ni. 

Tarlan tawh angin ni 2.4.2024 khan Vanramchhuangi (Ruatfela Nu) chuan Cyber Crime Police Station-ah Zonunmawii lakah hian FIR a thehlut a ni.