Champhai Police-in heroin an man

Champhai Police-te chuan nimin (27.6.2025) khan mi pathum hnen atangin heroin eng emaw zat leh mi pathum an man.

Champhai Police atanga Bengvarna thudawn danin, nimin tlai dar 2:20 vel khan Wagon R MZ/08 - 7584 chuan Chalbawiha Juction, Khankawn Police Checkgate a paltlang a, a hnuah an rinhleh avangin police-in an umzui. Gate atanga metre 500 velah kawng sira a lo ding an nang ching.

Motor hi checkgate-ah hruikirin, thuhretute hmuhlaiin endik a ni. Heroin sahbawn bawm paruka dah, grams 67, cheng nuai 2.01 man hua chhut hmu chhuakin, an man.

Motor khalhtu Lalruatkima (35), Mamit Hmarveng leh a chuang pahnih - Jimmy Lalnunmawia (42), Venghlui, Aizawl leh Thangzamuana (18), Champhai Zote nia inchhalte an man nghal a, thubuai siam sak an ni.