'Khawnge?' tlangzarh a ni ta
admin 28-Jun-2025 01:45 PM'Dengi I love you, Mo Kawr, Nukawki Pasal, Thih Leh Dam 1 & 2' hlawhtling taka lo siam tawh tu Conflate Video-te film thar ber 'Khawnge?' tih chu nizan (June 27, 2025) khan Saikuti Hall ah an release a, nizanah vek Lersia Play-ah lei theih nghal a ni.
He film buaipuitu Bva leh Ngaihawma Fanai te chuan 'Kan film buaipui tawh zinga kan la chhuan ber pawl a ni a, miin hmuhnawm antih ngei kan beisei,' tiin an sawi. Anni hi Mizo film award hnuhnung bera 'Best Film, Best Director leh Best Screenwritter' la tu te kha an ni. LERSIA PLAY CHOICE tih ngat a ni.
He film ah hian; Rosangpuii Ralte, Sangtea Chhangte, Sena Ngente, David Zawma, Deborah Ralte bakah actor tha tak tak an in lan dawn a ni.
Mizo film tam tak zinga story kal dan danglam bik leh tang taka min siam a, a chânga nuih a, mittui ti tla zawih zawih thei tur a nih hmel.
