YMA-in faina buaipui a inhmeh - UD&PA Minister

Nizan  (27.06.2025) dar 7:30 khan Central YMA chuan Aizawl khawpui chhunga veng hrang hrangte faina kawnga intihsiakna neih turah inhrilhfiahna hun Central YMA Hall-ah an buatsaih a, UD&PA Minister K Sapdanga'n a hmanpui.

Nikuma YMA Rorel Inkhawm vawi 4-na in a rel angin faina leh thianghlimna kawnga inzirtirna turin kawng hrang hrangin Central YMA chuan hma a la mek a, hemi bawhzuina pakhat atan Central YMA, UD&PA, Aizawl Smart City Ltd leh AMC te chuan coordination committee dinin Aizawl khawpui chhunga veng hrang hrangte faina faina kawnga inelna a buatsaih dawn. 

Lawmman pakhatna hi Rs.3,00,000/- a ni a, pahnihna inzirtirna Rs.2,00,000/- leh pathumna in Rs.1,00,000/- an dawng ang a; lawmman hi nakum Chapchar Kutah sem a ni ang.

UD&PA Minister chuan, 'YMA-in faina a buaipui hi a inhmeh a, a phurawm. YMA-in faina kawngah tha kan thawh ang a, sawrkarin sum a tum thung ang. Veng fai inelna atang hian Aizawl khawpui chhunga kan ti fai thei ang,' a ti.

UD& PA Department in veng tina dah tur bawlhhlawh bawm pahnih theih Branch YMA tinah a sem nghal. Nizana inhmuhkhawmnaah hian Aizawl City Branch 85 aiawh an kal.