CRRI-te-'n an hna an thawk tawh

Aizawl - Thenzawl - Lunglei (ATL) Road zir chiang tura Mizoram Sorkarin a rawih, Central Road Research Institute (CRRI) te chuan an hna an thawkzo thawkhat tawh.

CRRI atang hian scientist pathum leh technician pahnih rawn kalin, ni 26.6.2025 khan Lunglei an thleng a, Lunglei PWD-te kaihhruaina hnuaiah kawng zirchian hna an thawk. An zirchian tura tih ATL kawnga Kanghmun South leh Pukpui inkara kawngah kawng (lei) sample hmun hrang hrangah an la.

Lunglei PWD hotute sawi danin, kawng sample hi CRRI hmunpuiah zirchian a ni ang a, ni 45 chhungin kawng siam dan turah rawtna an siam dawn. Rawtna an siam zulzuiin PWD chuan kawng siamna tur atan estimate an siam ang.