Chibil rawngkai hriattur awm pawi ti

Vawiin, 23.07.2025(Nilaini) tlaia Central YMA Committee Room- a NGO Coordination Committee (NGOCC) thukhawm chuan kan thenawm ram Burma leh Manipur state- a tualchhung buaina in a nghawng kal zelah Mizoram chhunga chibil rilru rawngkai hriat tur a awm hi pawi an ti.

NGOCC chuan Mizoram hi Zo hnahthlak te inlungrual taka kan chenhona a nih avangin rambuai avanga Zo hnahthlak raltlan ten tuman chibil rilru pu lo tur leh kan inunauna leh inpumkhatna ti chhe thei zawnga ngaihtuahna seng lo turin an inhriattir a, 'Mizoram chhunga sahimna zawnga raltlan awmte ruihhlo tawlh kawnga inhnamhnawih lo turin kan inhriattir nghal,' an ti.