Lalrintluanga Sailo thusawi ka thlirlet - Lalduhoma

Vawiin (23.7.2025) khan Dampa Bialtu MLA  Lalrintluanga Sailo vuina, a chenna in, Luangmualah House Leader  Lalduhoma, Chief Minister chuan thu a sawi.

Lalduhoma chuan, House Leader a nihna leh an party aiawha ding a nih thu a sawi a, 'Mizoramin sitting MLA hi mi 10 kan chan tawh niin ka hria. Vawiina kan vui mek Pu Lalrintluanga Sailo hi legislator tha, debater ropui tak a ni. Ka nau a ni a, a hmingin kan ko mai, pu kan belh ngai lo. Kan nupa hi u angin min en a, kan ngaina em em a ni,' a ti.

Lalduhoma chuan kum 1993 a Bilkhawthlir Biala a zuk din khan a campaign chairman a ni tluan zak tih sawiin, 'Kan riak dun zel thin. Tunah kan han MLA dun a, session-a kan han che velte hi miin inhal tak emaw min ti mai thei. Mahse a ni lo, kan innel em em zawk a ni. Assembly Session-a a thusawi hnuhnungte nizanah ka thlirlet a, ka lung a leng hle a, lawmthu sawiin a thu hnuhnungte kha a khar a ni. A nupui fanaute lo thlaphang lo ula, thian tha tam tak in nei tih hria ang che u,' tiin sawrkar pawhin a tih theih apiang a tih dawn thu a sawi.