Tuirini Luia chesual an la hmu lo

Lalhruaia, Zemabawk East chu vanduaithlak takin vawiin (22.7 2025) chawhnu dar 1.30 vek khan Tuirini, Khawruhlian ramah a chesual a, he thuziahlai thleng hian hmuh a la ni lo.

CYMA Disaster Response Team-te an chu pun an nih angin Tuirini pan tur an in ruat a, zanin dar 8 khan Central YMA office atangin mi pariat an chhuak.

Zemabawk East Branch YMA chuan a hnuaia tarlab ang hian Lalhruaia zawn dan tur leh hmalak dan tur an rel. Mahni in saseng thei lo turte tuitla zawnga tlawmngai kher lo turin an in ngen a, branch YMA thuchhuak zawm lo a, chesual emaw kan awm a nih chuan branch YMA-in mawh a phurh loh tur thu an tarlang tel.

1. Vawiin bik atan chuan Branch O.B remchang leh branch committee remchang an kal ang. Branch mipuite chu tumah vawiin atan la che chhuak lo turin kan inngen a ni.

2. Ni 23 ah hian hmuh a la nih loh chuan branch committee ruahmanna in hnatlanga thawh chhuah a ngai thung ang a, branch kaihhruainaa zawn naah kal tur a ni.

3. Mahni remchanna a kal tum kan awm erawhin Thangmanga In RV nghakte hnenah inhriattir-a kal chauh tur a ni.

4. Tuirini lui kuang a chhengchhiat avangin a thawk chhuak turte chu fimkhur tur a ni. Mahni insa seng lo tur chu tlawmngai lui kher lo turin kan in hriattir.