PUC Vice Principal hlui a thi

Pachhunga University College (PUC) a hun rei tak thawk Dr S Hom Chowdhury (83) chu nimin (16.7.2025) khan Kolkata-ah a thi.

Dr Hom hian kum 1971 khan Assam hnuaia district council kan nih laiin Department of Education-ah PUC a zawm a, hun eng emaw chen vice principal nihna a chelh hnuah kum 2003 khan a pension. PUC-ah hian kum 32 chhung a thawk a ni.

PUC compound humhalh a, thing phunah a thawh hlawk hle a, National Service Scheme (NSS) programme officer hmasate zinga mi a ni.

PUC tan mai bakah zirna lama Mizoram hmasawnna atan pawh a tangkai a, State Education Reform Commission member hlui a ni.

PUC atanga a chawlh hnuah Dawrpui School of Science & Technology-ah hun eng emaw chen a rawn principal a ni.