Chemin nula nghawngah zai

Nizan (16.7.2025) dar 11:30 vel khan Siaha Vaihpi-III a cheng mek Goodd Friday-i (20) chu misual tu tih hriat loh a room-ah lutin, a ka hupin, a nghawngah chemin a zai sak a, a tlanchhe nghal.

Thudawn danin, misualin Good Friday-i chema a nghawnga a zai sak hunlai hian ruah a sur a ni. Good Friday leh a cousin mipa chu room khat, khum hrang veve a mu niin, Good friday chu tukverh bul zawka mu a ni a, mipa naupang room a mu ve chu koin a thisen a chhuah thu a hrilh.

Chumi hnuah room danga mu nu ber leh pa ber kaithoin an enchian chuan chema zai a ni tih hmuh chhuah a ni a, an thenawmte an hrilh hnuah damdawi in panpui a ni. Good Friday-i hi biak theih a ni tawh a, ngaihtuahawm lutuk a ni tawh lo nia hriat a ni.

Chema Good Friday-i zaitu hi he thuziahlai thleng hian tunge a nih tih hriat a ni loa, Siaha Police-te chu thil thlenna hmunah kalin, thil awm dan an enfiah. Misual man ngei tumin theihtawp an chhuah mek.

Good Friday-i Phura khawchhuak niin, Siaha-ah hian lekha zirin a pu te in Siaha Vaihpi-III ah a awm mek a ni.

Thlalak : Good Friday-ite room leh a khum