Sawrkar thusawi kan ring tawk - MSU

MSU chuan thuchhuah siamin, kawng zawh hun hnihna Higher & Technical Education Directorate kawta hman a nih laiin sawrkar hruaitute nen MSU lam aiawhte an inbiak thu an tarlang.

MSU tarlan danin, sawrkar chuan dan an zawm a ngaih thu leh, MSU nawrna avanga showcause notice an pek mek avangin, hemi chinfel hnu ni nga (5) chhunga ban an tum thu an sawi avangin resolution siamin kawng zawh hi an titawp a ni.

Resolution chu hetiang hian siam a ni :

1. Sawrkarin heng assistant professors unqualified-te lakah dan ang taka ban an nih theih nana showcause notice ni 15 chhung an pe hi tha kan ti a, showcause notice hun chhung a liam atanga ni 5 chhungin ban an nih tur thu an sawi hi kan ring tawk a, sawrkar pawh an thutiama ding ngei turin kan ti.

2. Tun hnuah zirtirtu hnalak reng rengah qualified teacher-te chauh lak thin ni tawh rawh se.

3. Tuna asst professor qualify lote hi an aiawh asst. professor tur qualify ngei a rang lamin la rawh se.