Zirlaiten Aizawlah kawng an zawh

Vawiin (7.7.2025) hian MSU bultumin Aizawlah zirlaiten college zirtirtu qualified lo 29-te ban phutin kawng an zawh a, zirlai thahnem tak an thawk chhuak.

Kawng hi Vanapa Hall kawt atanga zawh tanin Higher & Technical Education Directorate thleng an zawh a, he thuziahlai (dar 12:20) hian H&TE Directorate kawtah awmn khawmin, MSU hruaituten thu an sawi.

Zirlaite chu unqualified part time asst. professor sorkarin a chhawr chhunzawm mekte bang tura an phut thu te, zirtirtu qualify lote zirtir an duh loh thute leh a dang hmangin an au rual a ni.

MSU hruaitute chuan kawng zawh hian awmzia a neih loh chuan a tawp thlenga hmalak an tum thu an lo sawi tawh a ni.

College zirtirtu qualify lote hi an qualify theihna atan (NET emaw Ph.D an neih theihna atan) hun eng emaw chen an hun pawhse sak an ni tawh.

H&TE Minister Dr Vanlalthlana sawi danin, college zirtirtu qualified lote hi kum 2008, 2012, 2014 leh 2017-a lakte an ni.