Kan khawlai a ralmuang tawh lo - Lalduhoma

MZP bultuma vawiin (30.6.2025) a Lammuala Remna Ni lawmnaah Chief Minister Lalduhoma chuan kan khawlai a ralmuan tawh loh thu sawiin, 'Khawlaia insual rawn leh buaina siam chu mi dawihzep hna a ni,' a ti.

Chief Minister chuan khawlaih zurui hmuh tur awm lo se an duhthu sawiin, ' Khawlaiah remna awm se kan duh. Mi hmuh leh puipunna hmuna zuruih kan sorkarin tihtawp kan duh, a mawl thlak. Zu in leh in loh chu mimal zalenna a ni a, kan sawi phak a ni lo. Zuruia khawlaia kan hnam ti mualpho zawnga che awm lo se kan duh. Zurui chungingin kan ram kan siam tha ngai lo,' a ti.

Khawlaiah gang ang reng, insual rawn chingte a lo awm ta tih sawiin Lalduhoma chuan, 'Tunhma awm ngai lo a ni. Kan branch YMA leh MZP-te hian mahni veng theuhah heng hi i ti tawp ang u. Kan khawlai a ralmuang tawh lo. Pasaltha Hrangleia chuan 'mipa fa chu tuallaiah an inhrosa ngai lo' a ti. Kan huaisen a nih chuan Myanmar-ah kan unaute'n zalenna an sual chho ve rawh u,' tiin khawlaia insual rawn vela, buaina siam chu mi dawihzep hna a nih thu a sawi.