La postmortem hman lo

Nimin (12.6.2025) tlaia Shillong hotel pakhata thia hmuh David Lalremmawia (53) s/o C Lalhmingliana, Bawngkawn Veng, Aizawl ruang chu postmortem a la ni lo.

Shillong Mizote hnen atanga Bengvarna thudawn danin, David-a chhungte hi vawiin (13.6.2025)-a Shillong an thlen hun a tlai deuh tawh avangin vawiinah postmortem hman a ni lo a, naktuk chawhma dar 10 ah civil hospital-ah postmortem a ni dawn a, Shillong Mizote chu a thei thei kal turin an in sawm.

Tarlan tawh angin, Shillong MSU hruaitute hnen atanga Bengvarna thudawn danin, David-a thlenna hotel-te hian David-a thih thu hi zan dar 6 velah Shillong MSU-te hi an hrilh a, a thih hun tak hriat a ni lo. Hotel enkawltute chuan tlai dar 2 velah chaw an pe a, tlem chu a ei niin a sawi.

David-a ruang hi damdawi inah lak a ni a, police-ten a tul ang an buaipui a ni.