Hulhliap Short Stay Centre sawiho
admin 14-Jun-2025 10:49 AMNimin (13.6.2025) khan Core Committee on Hulhliap Short Stay Centre chu Secretariat Conference Hall-ah an Chairman Malsawmzuala Ralte, Mizoram Youth Commission Chairman kaihhruaiin an thukhawm.
Meeting-ah hian Member Secretary Dr. Lalhriatzuali Ralte, Social Welfare Director chuan Assam Rifles awm thinna hmunte leh hmun dangte pawh ruihhlo tih nana hman khaw loh a nih nasat thu sawiin, ruihhlo ngaite enkawlna tur mumal zawk, ‘Hulhliap Short Stay Centre’ din chu thil pawimawh tak a nih thu a sawi.
Dr Lalhriatzuali sawi danin, Hulhliap Short Stay Centre hi ruihhlo ngaiten an ruih hlo tih thinte lak atanga an inthuahfaina (detoxification) leh an taksa leh hriselna tih thatna (basic health care) hmun a ni dawn. Centre-ah hian ruihhlo ngaite chu a thlawnin ni 20 chhung, doctor, nurse leh counsellor te enkawlna hnuaiah an awm thei dawn a ni.
Tun dinhmunah task group 6 din ni tawhin nimin meeting-ah hian task group tinte hnen atangin hma lak zel dan tur report ngaihthlak a ni. Hulhliap hawnna program hman dan tur te, ruihhlo ngai tam zawkten an lo hriat theihna tura Hulhliap chungchang thehdarh dan tur te sawi ho a ni. Hulhliap Short Stay Centre buatsaihna tur hmun atan Synod Revival Camping Centre chu ruahman a ni.
