Mizo Youtuber-te pualin buatsaih

Vawiin (12.6.2025) chhun khan Directorate of Information & Public Relations chuan Mizorama YouTuber-te pualin social media-a thuthar thehdarh leh an thil chhuah chungchanga fimkhurna tur leh a kaihhnawih awm theite zirhona, ‘Media Sensitization for YouTubers’ chu Lianchhiari Run, I&PR Conference hall-ah buatsaih a ni.

He hunah hian Prof. Irene Lalruatkimi, HOD, Department of Mass Communication, Mizoram University chu Resource Person a ni a, scial media pawimawhzia a lem nena entirin, tunlai khawvela YouTuber-te pawimawhzia a sawi. 

YouTuber-te chu khawtlang siamtha theitu, hnam nunzia leh Mizo tawng humhalhtu an nih theih bakah sawrkar khalh ngil tu an nih theih dante a sawi a; thu thar thehdarh tute pawimawhzia sawiin, 'Democracy inrelbawlna banpui pawimawh tak tak zinga mi, ‘4th Pillar’ ti hiala hriat an ni,' tiin thuthar thehdarh leh thil post chungchanga fimkhurna tur thil pawimawh hriattur chi hrang hrangte hrilh.

Mizo YouTubers Association hi kum 2022-a din niin tunah hian member 60 chuang an awm mek a, vawiina hun hmanah hian Mizo YouTubers Association member thahnem tak bakah I&PR officer leh staff te an tel a ni.

Mizo YouTubers Association aiawhin Harry Khiangte, President, Mizo YouTubers Association; Mani-a (Mizo Official Channel), Vanneihthanga (Mizo Special Report); Mapuia (FTH); Mali (Runmawi Executive Producer); Vanlalpianga (Vanlalpianga Official Channel) leh Mawitei (M&N Family) ten an sawi.