Shillong-ah Mizo thiin hmu

Vawiin (12.6.2025) tlai khan Shillong-a hotel pakhatah David Lalremmawia (53) s/o C Lalhmingliana, Bawngkawn Veng, Aizawl chu thia hmuh a ni.

Shillong MSU hruaitute hnen atanga Bengvarna thudawn danin, David-a thlenna hotel-te hian David-a thih thu hi zan dar 6 velah Shillong MSU-te hi an hrilh a, a thih hun tak hriat a ni lo. Hotel enkawltute chuan tlai dar 2 velah chaw an pe a, tlem chu a ei niin a sawi.

David-a ruang hi damdawi inah lak a ni a, police-ten a tul ang an buaipui. He thuziahlai thleng hian postmortem a la ni loa, a thih chhan tak hriat a la lo. A chhungten Shillong an pan mek.