Eirawngbawlna gas tihchingpen sawiho

Vawiin (12.6.2025) chhun dar 1 khan Food Civil Supply & Consumer Affairs (FCS&CA) Minister B. Lalchhanzova hoin a pisa-ah eirawngbawlna gas tihchhingpen chungchangah FCS&CA Department, Legal Metrology, IOCL leh gas agency hruaitute an inkawm.

B Lalchhanzova chuan sokarin mipui lakah ei leh bar kaihnawihah langtlang taka a kalpui a tul bakah mipuiin an chanvo diktak an chan theih nana hmalak chu sorkar mawhphurhna a nih anga in ko khawm an nih thu a sawi. 

Mipui hnena gas thlentute chu IOCL anni emaw distributor pawh nise mipuiten gas buk tling pawlh dal loh an dawn theihnan tan lak a tul thu sawiin FCS&CA Minister chuan, 'Inpawh tawn taka hma lak a tul,' a ti.

Meeting-ah chuan Mizorama gas burte chu tui pawlh a tam thu sawi lan a ni. Tarlan a nih danin, gas hi Mizoram chhung a tih chingpen leh state pawn atanga chingpen sa a rawn lut a awm niin a lang a, atam zawk chu Mizoram pawn Cachar District-a khawih chingpen niin a hriat.

Mizoram chhungah pawh khawih chingpen awm thin tih report chu meeting chuan ngai thu takin, Cachar lama district thuneitute hnenah Kolasib Bawrhsapin hma lola tura ngenna siam se, Kolasib Bawrhsap chuan a area chhungah gas tihchingpenna hmun nia sawite chu lo vai bawk sem an ti.

Meeting chuan IOCL in thla tin Agency tina gas an pek chhuah zat FCS&CA Department ah report thehlut turin a rel a ni.