Charity concert buatsaih dawn

LPS Vision Production leh Youth Icon 2024 top 10 tangkawp chuan June 7 (Inrinni) zan khian LPS Studio-ah TV leh Youtube kaltlanga chhim theih turin khuarel chhiatna tuarte puihna turin charity concert an buatsaih dawn.

Charity concert hi Inrinni zan dar 8 ah tan tur a ni a, programme neih chhung hian tanpui ngaite pui duh tan mipuite luan chhuahna hun siam a ni dawn a, sum hi QR code hmanga pek tur a ni dawn a, Charity Concert ah hian Youth Icon 2024 Top 10 te an zai dawn a ni.

Khaurel chhiatna tuartute puala vehbur khawnsakna tur charity Clconcert hi LPS 1 ah leh LPS Youtube Channel-ahte live in pek chhuah a ni dawn.

LPS leh Youth Icon 2024 Top 10 te chuan charity Clconcert hi thlir sak theuh tur leh an phal ang tawka tanpui ngaite tana luang chhuak turin mipui an sawm.