TBCC rawktu man belh

Police-te chuan Tawngtai Bethel Camping Centre (TBCC) rawktu pakhat an man hnuah, tunhnai khan an pakhat an man belh leh a, man loh pakhat a la awm.

TBCC rawktu an mante hi TBCC-ah pawh lo awm tawh thin an ni a, pakhat chu June 1, 2025 khan man niin, pakhat zawk hi June 5 khan man leh a ni. An thil rukte chu heroin thlengna atan an hman thu leh rui chunga rawk an nih avangin an thil lak avangin an lak zat chiah pawh an hriat loh thu police-te an hrilh. 

TBCC rawktu police-in an mante hi Lalrinfela leh Chhunga tih an ni a, address mumal tak pawh an nei chiah lo. An hnen atang hian mobile phone pakhat chiah hmuh let a ni.

TBCC enkawltute hnen atanga Bengvarna thudawn danin, security office rawk a ni tih hi June 1 zingah hriat a ni. Mobile phone 25 vel, thi, bengbeh leh zungbun eng emaw zat an ru. 

TBCC-a awmte hi mobile phone, thi, bengbeh leh zungbunte kenluh phalsak an nih loh avangin an chhuah huna an lak turin security office-ah dah that sak thin an ni.