Buhfai chhekkhawl a ni tawh - FCS&CA Dept.

Food, Civil Supplies & Consumer Affairs (FCS&CA) Department chuan thuchhuah siamin, 'Kumin furpui kan hmachhawn chhoh mekah mipuite'n buhfaia harsatna an tawh lohna turin theihtawp chhuah mek a ni. Fur laia kal/tlawhpawh harsatna thin khuaa kudamahte buhfai a chhek khawl fel a ni tawh,' an ti.

FCS&CA Dept. tarlan danin, retailer-te buhfai khul leh sem chhuah kawngah harsatna awm thei a ni.  Hemi atana inbuatsaih lawkna atan leh dinhmun harsa zawkte'n buhfai an tlakchham loh nan Sorkar Laipui (Ministry of Consumer Affairs, Food & Public Distribution) nena tangrualin NFSA buhfai, thla thum quota chu sem lawk tura ruahman a ni.

He ruahmanna ang hian Card Eng (AAY) leh Card Pawl (PHH) hmangtute tan June thla chhung hian June, July & August 2025 atana an buhfai chan pual sem lawk a ni dawn.