Bike-a chetsual vangin thi

Hnahthial atanga Leite khaw luh dawn PHE Tanky dahna bul kawngpuiah nimin (4.6.2025) tlai khan RVL. Remruatfela (46), s/o Rozama Rokhum, Saitual Chhim Veng chu bike (Hunk) MZ 01E - 4031 hmangin a chesual a, a nunna a chan.

Hnahthial atanga Bengvarna thudawn danin, chetsualna thlen lai hi hmutu an awm loa tlai dar 4:30 bawr vel a nih rin a ni. Leite lam atanga Hnahthial lam pana tlan niin a chetsual hian kawng thlang lama PHE Tanky-ah hian a lu sawhin hei hi a thih chhan nia rin a ni.

He chetsualna hi Hnahthial Police-ten an hriat velah ASI Lalrinawma hoin rang takin chetsualna hmun hi an pan nghal a, an tih tur tul ang ang te an ti fel.

YMA Leite Branch chuan tuamhlawmin kuang an siam sak a, nizan khan Saitual atangin a chhungten ruang hi an la.