Covid-19 kai pakhat chiah awm tawh

Mizorama May 30, 2025-a Covid 19 hri thar kai mi pahnih hmuh chhuah Zoram Medical College & Hospital (ZMC&H)-a enkawl zinga pakhat zawk chu enkawl dam a nih tawh.

Covid-19 vei enkawl dam tawh hi vawiin (4.6.2025) chhun khan ZMC&H atanga chhuah tir a ni a, enkawl mek pakhat zawk pawhin ZMC&H a chhuah san vat theih beisei a ni.

Health & Family Welfare Department hnuaia Integrated Disease Surveillance Programme (IDSP)-in a tarlan danin, darkar 24 liamta chhung khan Mizoramah sample 2 endik a ni a, hri kai thar hmuh belh a ni lo.

IDSP chhinchhiah danin, May 30, 2025 a Covid 19 hri pahnih hmuh hi October, 2024 hnua Mizorama hri kai hmuh lehna hmasa ber a ni a, nikum chhung zawng khan Mizoramah Covid 19 hri kai 73 hmuh a ni a, hri vanga thi an awm lo.