Aizawlah naute an chhar

Aizawl District Police atanga Bengvarna thudawn danin, Aizawl Police Station duty-te chuan nimin (21.5.2025) Dominos, Zarkawt atangin phone hmangin an dawr panna step-ah naute a lo awm ringawt thu an dawng.

Police-te chuan Dominos hi pan nghalin, a dahtu hriat loh naute thla khat vel awm chu Civil Hospital, Aizawl rang takin an panpui nghal. A hriselna dinhmun doctor-te'n an endik hnuah a tha an tih avangin Childline ho hnenah an hlan a, anni hian Hmangaihna In, Durtlangah an dah ve leh.

Aizawl Police Station staff-te chuan Dominos panna step-a dahtu hi ngawrh takin an chhuizui nghal a, he thuziahlai thleng hian hriat a la ni lo. CCTV footage atang chuan a dahtu hi hmeichhia nia hriat a ni a, a hmel a hmuh chian theih loh thung.