Mi thlai ru thin an man

Lunglei Theiriat VDP-te an veng huamchhunga mi huan thlai ruk ching, Ch.Vanlalhruaia, Sethlun leh Lalruatpuia, Zobawk South nia inchhalte  an man a, Police kuta an pek hnuah TNT Theiriatah dah luh  an ni.

Bengvarna thudawn danin, Theiriat VDP-te hian ni 19.5.2025 zan khan, mi thlama riak a, mi huana khanghu, thingthupui leh phuihnam ru thin Lalruatpuia an man. Mi thlama a riah tlat avangin a bul vela huan nei, a bik takin hmeichhiate chuan an hlau thin hle a, VDP-te hian an man ta a ni.

Ch Vanlalhruaia chu mi huana thlai a ru lai nang chinga man a ni. Lunglei VDP-te sawi danin, an veng huam chhungah thlai a bo nasa hle a, a rutute hi ruihhlo ngai an ni tlangpui.