Minister-in TBCC hotute a kawm

Vawiin (21.5.2025) tlai khan Social Welfare Minister Lalrinpuii chuan a office-ah Tawngtai Camping Bethel Centre (TBCC) dintu Zohmingthanga leh TBCC Advisory Board-te a kawm.

Social Welfare Minister leh TBCC hotute hian TBCC tha zawk, langtlang zawk leh inkaihhruaina mumal zawk nena kalpui dan tur an sawiho. TBCC lam pawh hian dan hnuaia mumal taka kal chu an duhdan a nih thu leh lawmawm an tih thu an sawi. A rang thei ang bera tuna ruihhlo ngai haw na tur nei lova khawlai a tei rawlai te lo enkawl leh turin TBCC hi ruahmanna siampui an ni.

Admission mumal zawk a tih leh a hmun hmain a zawh tawk damlo la turin an inruahman dawn. TBCC Advisory Board Vanhela Pachuau Chairman-na hnuaiah uluk zawkin an vil tawh dawn.

Sorkar chuan dan angina accreditation a kalpui tawh dawn a chu dan hnuaia minimum standards zawm tur awmte an zawm theih nan sorkarin center-te training pek a, kawng hrang hranga puih a tum thu leh Kohhran hrang hrang hruaitute pawh puitu tura sawm an nih thu Social Welfare Minister hian TBCC hotute hi a lo hrilh.

Anni lam pawhin dan hnuaia inkaihhruaina mumal tak nena kal a ni tur chu an lawm thu leh sorkar, kohhran leh NGO te nena thawh tlan chu an duhthusam a nih thu an sawi a ni.