Raltlante identity card kawl sak

Electric Veng Local Council, Lunglei chuan Myanmar atanga rawn raltlante an veng chhunga awmte chu an identity card (ID) an kawl sak.

Electric Veng LC-te ni 20.5.2025 zan khan an veng chhunga raltlan awmte hi tlawh chhuakin an Myanmar-a an ID an kawl sak. ID nei lote chu hun tiam chhunga nei tura hriattirin, huntiam chhunga ID nei lote chu an vengah  an awmzui zel a rem dawn loh thu an hrilh.

Electric Veng Local Council hian Myanmar raltlan an veng chhunga awmten an duh ang hun leh an remchan hun apianga an veng leh Myanmar ram an kar tawn reng thei chu ruihtheih thil bakah khawtlang mipuite tan thil tha lo dang a thlen theih avangin tha an ti lo a ni.

Raltlan ID an kawlsakte chu thil pawimawh leh tul bik tak thil an nei a nih chuan pek chhuah theih tura ruahmanna siam a ni.